CAGAYAN DE ORO CITY – Gipalig-on pa sa Police Regional Office 10 ang presensiya sa ilang mga pulis sa mga lugar diin dagsa ang daghang katawhan sa rehiyon sulod ning semana santa.
Kini epekto sa mando ni PRO 10 Director Brig Gen Jaysen De Guzman nga nakabase sa Camp Alagar diin ubos sa heightened alert status ang lima ka probinsya sa rehiyon.
Namahayag ang heneral nga hugot usab ang ilang koordinasyon sa ubang ahensiya gobierno aron pagsiguro nga dili mabalda sa mga pagpanabotahe ang kahusay’g kalinaw sa katawhan nga mo-obserbar sa mga mahal nga adlaw ning semanaha.
Hisayrang anaa sa mil- 577 ka sakop sa tropa sa gobierno ang naglihok sa mga lugar diin mohimo sa mga pagpamalandong ang mga debotong Kristiyano hangtod sa Domingo sa Pagkabanhaw.
