Nabalaka si kanhi Misamis Oriental Vice Governor Joey Pelaez nga mosamot pa sa dugang kontrobersiya ang internal nga bangi sa mga senador, ilabe na nga adunay baylo balyo sa liderato, ug dugang ihap sa mga senador nga namiligro nga mapriso kay napasakahan sa kasong “non-bailable” o dili makapiyansa.
Usa sa nabantayan ni Pelaez ang pagtabok ni Senator Chiz Escudero ngadto sa mayoriya.
Alang kang Pelaez posible nga gihimo kini ni Escudero aron dili siya makasuhan, sama sa mihungaw nga mga hulga. Usa usab kini ka pamaagi sa proteksyon sa kaugalingon o self-preservation.
Tungod sa hitabo, daghang ang nakasaway sa gihimo ni Escudero ug mikatag pa ang mga memes sa social media nga nagbansag kaniya isip Pambansang Hudas ng Pilipinas.
