CAGAYAN DE ORO CITY – Kasuhan sa kapolisan ning adlawa sa piskalya sa kasupakan sa Dangerous Drugs Act of 2002 ang political planner nga nagsilbing empleyado ni Kag James Judith sa city council ning syudad.
May kalabutan kini sa pagkasikop sa drug pusher suspect nga si Revel Guangco,hingkod ang edad samtang gilusad ang anti-drug buy bust operation sa Brgy Macabalan sa dakabayan.
Gibutyag ni Carmen Police Station commander Maj Mario Mantala Jr nga dugay nang ubos sa ilang monitoring ang suspek sa illegal drugs operations niini hinungdang hingpit kining na-aresto sa miaging adlaw.
Gawas sa kasong kriminal,mag-atubang usab sa imbestigasyon si Guangco sa city govt sa aspetong administratibo ayha kini paphaon sa katungdanan.
Una usab niini,gibutyag ni Judith nga dili niya tabangan ang iyang empleyado kay likayan niini nga madaot ang dungog sa konseho ug maapektuhan ang kaugalingon nga reputasyon.
