Human mag-abstain sa pagbotar sa senate leadership sa naglabay nga semana, gipaklaro nila Senador Migs Zubiri ug JV Ejercito nga sila gusto magpa-miyembro sa minorya sa Senado.
Kagahapon, gideklarar nila ang ilang posisyon sa wala pa mag convene ang senado isip impeachment court.
Giklaro ni Zubiri nga ang iyang pag-abstain sa pagbotar sa liderato nagpakita sa iyang kagawasan sa mga importanteng isyu, apan mas gipili niya nga mapabilin sa minorya.
Sa laing bahin, mibalibad usab si Ejercito nga mahimong Majority leader aron mapadayon ang iyang kaugalignan sa pagtratar sa impeachment.
Kini maoy tubag ni Ejercito dihang gipangutana kini ni Senate President Alan Peter Cayetano.
Mahinumduman nga nagdeklarar na daan sa SOLID 13 si Cayetano sa naglabay nga semana, human mahitabo ang gi-ingong senate siege, busa kini nagpasabot nga walay labot sa maong kuwentada ang duruha ug bisan sa pagkawala ni Senador Bato dela Rosa.
