Gisaway ni Presidente Ferdinand Marcos Jr ang nagpadayong bikil sa Minority ug Majority Bloc sa Senado nga nagresulta sa pagkadelatar sa pagpasar sa 20 priority bills sa iyang administrasyon.
Sa labing unang higayon, wala napugngan sa presidente ang pagbadlong sa mga senador nga maoy hinungdan sa pag-oktaba sa importanteng buluhaton nga gisapnay kanila sa katawhang Pilipino.
Gikuwestiyon ni Marcos kung nganong mi-undang sa pagtrabaho ang pipila ka senador ilabe na nga wala man nangundang sa trabaho ang executive ug judiciary, nga co-equal branch sa legislative.
Gipamugos sa presidente nga kini nga panghitabo, naghatag luna sa dakung kabalaka ug kalibog sa katawhan ug tataw nga makadaut sa kredibilidad ug pamunoan sa institusyon.
Mahinumduman nga unang namahayag si Palace Pres Office Atty Claire Castro nga ang katawhan ug ang ekonomiya maoy maapektuhan kung magpadayon ang gubot sa Senado.
Ang 21 ka prayoridad nga balaod nga gisugyot sa LEDAC lakip ang Anti-Political Dynasty Law, CADENA Act, Independent People’s Commission Act, ug Travel Tax Abolition.
Hisayran nga ang unang regular nga sesyon sa 20th Congress molungtad hangtod Hunyo 6, 2026, ug mobalik sa Hulyo 27 dungan sa ikalima nga State of the Nationa Address o SONA ni Marcos.
