(Update) CAGAYAN DE ORO CITY – Temporaryo nang gawasnon ang public school principal ug ang maestra kinsa unang nadakpan sulod sa lodging house kay gitoohang nagtagay sa kalipay sa Brgy Kauswagan ning syuadad sa miaging semana.
Miingon si Carmen Police Station deputy commander Lt Lorenzo Ocon nga wala na maabti nga masaka sa city jail ang mga akusado kay nakabayad kini sa gisitar nga piyansa aron mahatagan sa temporaryong kagawasan.
Siya miingon nga maghulat na lamang sila kon kanus-an ipatawag sa korte alayon sa pagligid sa kasong adultery nga giatubang sa duruha.
Una nang natay-og sa maong iskandalo ang katawhan sa syudad kay mismo ang bana nga sundalo ang mipadakop sa duruha kinsa pulos sakop sa DepEd-Cagayan de Oro.
Hisayrang gisulaya’g kuha sa Bombo Radyo ang panig sa duruha samtang nadala na sila sa Carmen Police Station aron ipaubos sa imbestigasyon batok sa pasangil kanila.
