CAGAYAN DE ORO CITY – Gipasalig sa Police Regional Office 10 ang hugot nga paghatag seguridad sa mga kandidato sa politika ug bisan sa ubang government officials nga adunay seryosong bahad sa seguridad sa Northern Mindanao.
Kini human laing aktibong brgy kapitanes ang gi-ambush patay ug samaron ang iyang kauban samtang sakay sila sa pribadong sakyanan sa lungsod sa Malabang,Lanao del Sur.
Miingon si PRO 10 spokesperson Major Joann Navarro nga walay hunong ang ilang threat assessment sa mga kandidato nga gaduol kanila aron mangayo’g tabang alang sa ilang seguridad.
Hinoon,nagdumili si Navarro pagsulti kung kinsa ug pila na ka mga kandidato ang nangayo’g security assistance sanglit wala kanila ang gahom apan anaa sa Commission on Elections.
Dumduman nga maoy gi-ambush patay si Baraas Punong Brgy Binhar Alon Jawad apan dili kini kandidato sa bisan unsa nga posisyon sa lungsod sa Picong.Hisayrang rido o away-pamilya ang tipik sa gikonsiderar nga rason sa kapolisan kabahin niini.
