CAGAYAN DE ORO CITY – Gitahasan ni Police Regional Office 10 Director Brig Gen Jaysen De Guzman nga sulbaron sa pinakadaling panahon ang pagkatulis sa sikat nga parmasiya nga sakop sa area of responsibility sa Agora Police Station 3 sa Brgy Lapasan ning syudad.
Kini human nakahigayon ang wala mailang mga suspek paglungkab nga gitoohang miagi sa atop nga bahin sa Rose Pharmacy -Lapasan branch rason nadala ang dili moubos 200-mil pesos cash.
Namahayag si De Guzman nga nasusi na sa Kampo Alagar ang maong hitabo ug natagbaw kini sa kalambuan sa imbestigasyon kay naghupot na ang mga imbestigador sa persons of interest.
Miingon ang heneral nga gihatagan nila sa igong higayon ang Agora Police Station nga trabahuon ug masulbad ang maong suliran.
Dumduman nga ang nahitabuan usab sa kremin, ang pila lang ka kilometros gikan mismo sa Kampo Alagar diin nakabase ang PRO 10 headquarters.
Hisayrang sa pagkutlo ning balita, wala pa’y gilugwa nga pahayag ang local branch officials sa maong parmasiya sukad nahitabo ang kremin.
