Gihangyo ni House prosecutor Representative Chel Diokno ang kampo sa depensa ni Bise Presidente Sara Duterte nga kumpirmahon ang katinuod sa mga bank record nga gisumite sa mga bangko ug ang pagpanag-iya sa mga account nga makita niini aron mapamubo ang gidugayon sa impeachment trial.
Matud ni Diokno, pinaagi sa Section 1, Rule 26 sa Rules of Court, mahimong mapadali ang proseso pinaagi sa pag-angkon sa mga rekord nga tinuod ug tukma, nga makapamenos sa panginahanglan sa dugang nga pagpamatuod sa maong mga butang.
Miuyon ang defense counsel nga si Michael Poa nga motubag sa hangyo sa prosecution apan nangayo og 15 ka adlaw nga lugway aron makatubag sa gipangayo sa prosecution, nga gihatag ni Presiding Officer Senator Francis “Chiz” Escudero. (raniel mahunyag)
