Gibutyag ni Lanao del Sur Representative ug House Impeachment Trial Spokesperson Zia Alonto Adiong nga katungdanan sa prosecution panel nga ipakita ang mga ebidensiya nga klaro, propesyonal, ug nakabasi sa konstitusyon.
Matud niya, andam na ang 11 ka miyembro sa panel sa bisan unsang petsa sa hearing bisan wala pa sila makadawat og pormal nga abiso gikan sa Senado.
Gitataw usab ni Adiong nga ang maong impeachment dili away sa Mindanao, Davao, o bisan unsang rehiyon, kon dili usa kini ka konstitusyonal nga proseso.
Dugang pa niya, ang 257 ka boto sa Kamarabaha nga gikan sa nagkalain-laing mga rehiyon nagpamatuod lang nga kinahanglan gayod nga masusi ug makita ang kamatuoran pinaagi sa mga ebidensya. (RIZA BUDLAO)
