Giisa sa World Health Organization (WHO) ang usa ka Public Health Emergency of International Concern tungod sa mibuto nga outbreak sa sakit nga Ebola didto sa Democratic Republic of the Congo ug Uganda.
Kining dinaliang deklarasyon gihimo human natala ang 80 ka mga suspetsadong namatay ug siyam (9) ka mga kumpirmadong kaso nga positibo sa virus, base sa pagsusi sa laboratoryo. Matod sa W-H-O, ang maong outbreak tungod sa Bundibugyo strain, usa ka matang sa Ebola nga sa kasamtangan wala pay aprubadong bakuna o espesipikong tambal alang sa pag-atiman sa mga pasyente.
Bisan pa man sa kakuyaw sa sitwasyon, giklaro sa ahensya nga wala pa sila nagrekomendar og travel restrictions o pagpasira sa mga border aron dili mabalda ang pagdala sa mga medikal nga suplay ug tabang ngadto sa mga apektadong lugar.
Gihingusgan karon sa W-H-O ang panawagan sa tanang kanasuran nga pakusgan ang ilang health surveillance ug monitoring systems aron mapugngan ang posibleng pagkuyanap sa maong makamatay nga sakit sa tibuok kalibutan
