(Update) CAGAYAN DE ORO CITY – Nabalhog sa bilangguan gikan nagpa-ospital ang police intelligence officer nga unang nabaniug nga gi-ambush sa 3 ka armadong suspetsado sa Purok 3,Brgy Batangan,Valencia City,Bukidnon.
Miingon si PRO 10 spokesperson Police Maj Joann Navarro nga migawas sa imbestigasyon sa Bukidnon Provincial Police Office nga wala banhigi si Corporal Raymond Fabela sa maong mga lalaki apan nakig-sumbagay kini hinungdan nga miresulta sa pagpamusil.
Gibutyag ni Navarro nga mas gitoohan sa Bukidnon PPO ang testimonya sa testigo nga wala mangita’g gubot ang unang gitumbok nga suspek nga si Danilo Saunico kay igo lamang kini nangihi gikan sa ilang pag-inom.
Tungod niini,gikasuhan’g homicide si Fabela ug nabalhog sa prisohan tungod sa iyang pagpusil-patay kang Saunico sa miaging kadlawon.
