CAGAYAN DE ORO CITY – Mas gipili sa dinakpang pulis nga suspek sa pagpusil-patay sa sibilyan nga magpakahilom batok sa pasangil nga iyang giatubang ning syudad.
Kini human dasmagi sa mga sakop sa media ang nag-16 ka tuig nang sakop sa Philippine National Police nga suspek samtang anaa sulod sa selda aron pangayuan sa iyang panig sa hitabo.
Miingon ang maong pulis nga nabulit ang dagway sa mga sampung nga sinena nga dili na lang una kini mohatag komento ug unta mahatagan siya sa pagsabot.
Gisulayan kini’g pangutana kung siya ba ang tinud-anay nga mipusil patay sa biktima nga si Henry Pimentel ug kung unsa ang nag-unang rason.
Una nang gibutyag ni Cogon Police Station commander Major Sabido Labitad nga dili layo ang posibilidad nga may kalabutan sa ilegal nga droga ug pagdumot ang pipila sa rason nga natigayon ang kremin sa Brgy Camaman-an sa miaging kadlawon sa Lunes.
