Gitin‑aw sa Cagayan de Oro Water District (COWD) ang rason sa temporaryong pagkawala sa suplay sa tubig sa pipila ka lugar sa Barangay Bugo ug kasikbit nga mga area sa miaging adlaw.
Sumala ni Dr. Gerry Caño, Board Chairman sa COWD, ang hinungdan sa problema mao ang pagbuto sa usa ka water pump nga nagserbisyo sa maong lugar.
Tungod niini, naapektuhan ang pipila ka konsumante sa Bugo ug Tagoloan area sulod sa duha ka adlaw samtang gihimo ang emergency repair sa pasilidad.
Dugang pa niya, nabalik na ang suplay sa tubig human naayo ang pump ug na‑activate pag‑usab ang production well nga naghatag og supply sa barangay.
Giila usab ni Caño nga adunay laing insidente sa Balulang area diin nagka‑pipe leakage nga miresulta sa temporaryong pagkunhod sa volume sa tubig nga nadeliver sa mga konsumante.
Busa, padayon ang technical team sa Water District sa pag‑ayo ug pag‑monitor aron malikayan ang balik‑balik nga water interruption.
Sa pagkakaron, gipasalig sa CDOWD nga magpadayon ang ilang operasyon ug pagresponde sa mga concern sa tubig sa syudad.
