MANILA – Gibulgar ni kanhi Ozamiz City Police Station commander Police Lt Col. Jovie Espenido nga dunay kanhi mayor ang nagsulti kaniya nga ang pondo nga ibayad isip “reward” sa kapolisan nga dunay dakong kalampusan sa “anti-drug war operations” sa kanhi Duterte administration,nagsumikad sa Philippine offshore gaming operators, small town lottery, and intelligence funds.
Si Espenido, maoy usa sa gi-imbitar sa Quadrupole committee sa kamarabaha aron musaysay sa iyang partisipasyon sa dugoong kampanya sa ilegal nga druga ubos sa iyang kanhi agalon nga si kanhi Pres Rodrigo Duterte ug kanhi PNP Chief ug karon Senador Ronald Bato de la Rosa.
Mismo si Atty Margarita Nograles, representante sa PBA partylist ang nangutana kang Espenido sa maong taho.
Lakip sa rebelasyon ni Espenido mao ang pagsilbing protektor ni Senador Bato sa drug smuggler nga si Kerwin Espinosa.
Mahinumduman nga si Espinosa, nahatagan sa acquittal sa iyang kaso sa drug smuggling sa Makati RTC Branch 65, niadtong Hunyo 2023. Gawas niini, gitumbok usab ni Espinosa si De la Rosa nga maoy nagmando nga pamatyon ang tanan sakop sa pamilyang Parojinog nga gitudlong king pin o drug Lord sa Ozamiz City.(Bombo Anne Quileste).
