Gi-kumpirmar ni Jane Halton, board chairman sa Coalition for Epidemic Preparedness Innovations (CEPI) ubos sa World Economic Forum (WEF) nga naigo na sa ebola virus ang rebel area sa Democratic Republic of Congo.
Base sa gilusad nga surveillance ug monitoring ang mga bag-ong suspected ug kompirmadong nagsakit pulos nanimuyo sa
South Kivu province sa Sidlakang bahin sa nasud.
Ang rebel area mao na karon ang gitumbok nga episentro sa outbreak. Bisan kontrolado sa mga rebelde ang lugar gitinguha sa mga langyaw’ng eksperto nga tabangan ang mga nagsakit taliwala sa dakung risgo sa ilang kinabuhi nga sila pamatyon sa mga armadong grupo.
Hisayran nga si Halton maoy usa sa nagtinguha nga masalbar ang mga nagsakit aron dili kini makapanakod sa uban.
Sa iyang taas nga kasinatian sa public health ug international governance, milaum kini nga matuldukan na ang health crisis sa Congo
