CAGAYAN DE ORO CITY – Nasikop sa jail guards ang babaye nga miduaw sa iyang kaipon nga piniriso diha sa Misamis Oriental Provincial Jail o MOPJ ning syudad kagahapong adlawa.
Giilan ni MOPJ asst warden Francis Sarangay ang dalaw nga si Elmaren Sanchez,28 anyos nga taga-Brgy 3,Balingasag ning lalawigan.
Gibutyag ni Sarangay nga nasapon sa ilang jail guards si Sanchez pinaagi sa pagsusi sa ‘pan’ diin nakapalaman ang balor 10-mil pesos nga walo ka sachets sa gitoohang shabu.Target unta hatagan sa maong kontrabando ang kaipon ni Sanchez nga si Wendel Caguioa.
Sa miaging Marso,laing dalaw ug piniriso ang nadakpan kay gipalusot usab ang shabu pinaagi sa pagtago niini sa isdang pidlayan.
Samtang gipanghimakak sa binilanggo nga si Caguioa nga siya ang nagsugo sa iyang kaipon aron dad-a’g shabu sulod sa Misamis Oriental Provincial Jail.
Miingon si Caguioa nga lahi ang iyang gihangyo nga ipadala sa kang Sanchez ug wala nakaapil niini ang ‘pan’ nga didto nasapon ang gipalaman nga gitoohang shabu.
Gani,wala kini masayod nga daw duawon siya sa iyang kaipon rason nga giduot niya ang kaugalingong ig-agaw nga utok sa pagsulay palusot sa kontrabando suldo sa prisohan.
