Nanawagan si Santo Papa Leo XIV sa tibuok kalibutan nga tuldukan na ang tanang porma sa kagubot ug sugdan ang pagpugas og kalinaw.
Sa gipahigayon nga rosaryo sa Vatican, direktang giawhag sa Santo Papa ang publiko nga likayan ang verbal ug pisikal nga pagpang-atake sa adlaw-adlaw nga pakigbisog.
Tungod sa nagka-grabe nga toxicity online, giapil niya pag-emphasize ang pag-abstain o paglikay sa bisan unsang porma sa kapintasan diha sa social media.
Matod pa sa Santo Papa, ang tinuod nga kalinaw magsugod sa kasingkasing ug mapakita kini pinaagi sa mga pulong nga nagdala og panaghiusa, imbes nga pagkabahin-bahin.
Kini nga mensahe nagsilbing madasigong pahinumdom sa tanan, ilabi na sa mga netizens, nga mahimong instrumento sa kaayohan online man o sa personal nga kinabuhi. (jane abulag)
