Gi-basura sa Korte Suprema ang hangyo ni Senador Ronald “Bato” Dela Rosa nga Temporary Restraining Order (TRO) batok sa pagpapatuman sa arrest warrant gikan sa International Criminal Court (ICC).
Sa special en banc session, Mayo 20, 2026, ang mga mahistrado miboto sa 9-5-1 pabor sa pagdumili sa iyang petisyon.
Gipahayag sa Korte Suprema nga ang desisyon naglangkob lamang sa mga interim reliefs sama sa TRO ug Status Quo Ante Order, ug wala pa kini nagresolba sa punoan nga isyu sa kaso.
Ang tibuok resolusyon, lakip ang mga managlahing opinyon sa mga mahistrado, ipagawas sa Mayo 25, 2026.
Ang ICC arrest warrant batok kang Dela Rosa nag-ugat sa iyang kalambigitan sa mga kaso sa crimes against humanity nga giingong nahitabo sa panahon sa Davao Death Squad ug sa kampanya kontra-droga sa administrasyong Duterte.
Sa pagkakaron, naka-ung-ong pa gihapon ang punoan nga petisyon ni Dela Rosa ug dili pa klaro kung ipatuman dayon sa administrasyong Marcos ang ICC warrant human sa pagbasura sa TRO sa Korte Suprema.
