Wala mapugngi ni Senador Pia Cayetano ang mahimong emosyonal atol sa iyang privilege speech human mipahayag ni Senadora Risa Hontiveros nga murag walay nahitabo, mahitungod kini sa pinusilay sulod sa compound sa Senado niadtong Mayo 13.
Gisaway ni Cayetano ang maong pamahayag ug gi-ingong dako kini nga kasakit alang kanila nga nangurog sa kasuko sa gibati nga grabeng kahadlok ug kabalaka uban sa mga empleyado dihang sila nagtuo nga gi-atake sa mga armado.
Dugang pa niini, gipagawas usab sa senadora iyang kasubo dihang wala sila gipangumusta sa ilang kaubang senador sa majority bloc sa gi-ingong atake sa senado .
Sa pikas bahin, giklaro ni Senadora Hontiveros ang iyang punto sa iyang privilege speech, human kini nakadawat sa pagkondinar gikan kang Cayetano.
Matud ni Hontiveros, nga ang iyang punto wala nakatutok sa personal nga pagbati sa iyang mga kauban, kon dili sa institusyonal nga baruganan ug aksyon nga angayng buhaton sa maong institusyon.
