Gipadayag ni Senate President Vicente “Tito” Sotto III nga dili lang isyu sa presyo sa lana ang epekto sa kasamtangang tensyon sa Middle East apan adunay usab kabalaka sa seguridad sa Pilipinas tungod sa relasyon niini sa Estados Unidos.
Gilauman ni Sotto nga dili na molapad pa ang tensyon sa Middle East tungod kay wala man usab direktang panaglalis ang Pilipinas ug Iran.
Gipunting ni Sotto nga ang gobyerno kinahanglan usab nga repasohon ang kasabotan sa depensa sa US diin lakip na ang Enhanced Defense Cooperation Agreement (EDCA) ug Visiting Forces Agreement.
Dugang pa ni Sotto, ang nasud kinahanglan magpabilin nga alerto ug andam sa bisan unsang kausaban nga mahimong makaapekto sa seguridad ug ekonomiya. (Phillip Ariata)
