Walay swerte nga nasunog ang usa ka airconditioner sa gynmasium sa Talacogon, kung asa ipahigayon unta ang dugang rounds sa dulang table tennis.
Nakahimo’g gamay nga kalisang ang hitabo, apan paspas kining narespondihan sa mga sakop sa Bureau of Fire Protection (BFP).
Gi-imbestigaran pa ang hinungdan sa insidente kundiin, sa inisyal nga report, posibleng overheating ang rason sa pagkalayo sa unit.
Gumikan niini gibutyag ni Eric Amistad, ang assistant tournament director, nga, daghang dula ang nadelatar ug wala na sila nakabalik sa ilang ala-una nga sesyon.
Hinoon, walay natala nga samaron sa insidente. Nakontrolar usab sa mga kadagkuan ang posibleng stampede tungod sa gibating kakurat ug kahadlok sa mga participante, coaches ug mga regular nga manan-away
