Gidepensahan ni Senate President Cayetano ang ilang grupo ug gipahayag nga wala sila mianhi aron manggubot, kondili sila mismo ang ginagubot karon.
Matod pa niya, ang ilang bugtong tinguha mao ang pag-ayo sa mga hiwi sa sistema ug dili ang pagdugang sa pas-anon nga problema sa mga Pilipino.
Gipamugos sa opisyal nga hangtod nga walay tinuod nga paghinulsol ug reporma, magpadayon ang kurapsyon sa pinakataas nga pwesto sa kagamhanan.
Subo usab niyang gipaambit nga tulo ka semana na niyang ginapanawagan ang pagpahigayon og independent investigation sa maong isyu.
Kini tungod kay lig-on ang iyang pagtuo nga padayon nga ginatunolan og mga sayop nga impormasyon ang Presidente karon. (JANE ABULAG)
