(Update)CAGAYAN DE ORO CITY – Gawasnon na ang sports car driver nga nakaligis-patay sa inahan ug anak babaye nga nakasakay sa motorsiklo diha sa Masterson Avenue,Zone 11,Brgy Carmen ning syudad.
Kini human kompirmaha ni COCPO traffic investigator Police Cpl Maximo Jaduya nga nagka-amicable settlement na ang pamilya sa mag-inahan nga si Analy ug Ronada Escobido nga pulos taga-Brgy Balulang ug ang suspek nga si Louie Amodong atubangan sa abogado kagahapong adlawa.
Miingon si Judaya nga mismo ang inahan ni Analy nga si Eleuteria Mabaylo ang midawat sa salaping cash nga gihatag ni Amodong gumikan sa hitabo.
Tungod niini,sirado na ang hitabo ug dili na maduso pa ang kasong kriminal nga batok unta sa suspek.
Una nang mipalag ang pipila ka Bombo Radyo CdeO Facebook fan page followers sa dihang nasayran nga nagka-ammicable settlement ang duha ka panig kagahapong adlawa.
