Mubalor sa P204,000 nga kantidad sa shabu ang nakompiskar gikan sa tigpayuhot sa ilegal nga druga sa Iligan City.
Segun sa report, nadakpan ang suspek nga si alyas Astro Boy sa gilusad nga joint buy-bust operation sa Barangay Tibanga, sa maong syudad. Unang namahayag ang Iligan City Police Office nga ang suspek gitratar isip Street-Level Individual nga iladong nalambigit sa ilegal nga druga sa ilang dapit.
Nakuha sa posisyon sa suspek ang girepark nga gitoohang shabu nga mutimbang sa 30 gramos. Narekober usab sa kaniya ang gigamit nga P100 marked money.
Hisayran nga kini na ang ikaduhang higayon nga nadakpan ang suspek sa susamang kasupakan. Priso na ang suspek sa Police Station 5 sa Iligan
