Gihangyo ni Tingog Party-list Representative Jude Acidre nga kinahanglang personal ug pisikal gayud nga motambong ang mga senador sa umaabot nga impeachment trial.
Sumala kaniya, dili lang ordinaryong magbabalaod ang mga senador sa maong proseso kon dili magsilbi silang mga “senator-judges” nga kinahanglang mosusi sa tibuok dagan sa paglitis.
Gibutyag ni Acidre nga importante ang pisikal nga presensya aron makita ang linihokan sa mga testigo ug ang paagi sa pagpangutana, butang nga dili klarong makita pinaagi lang sa “online teleconferencing.”
Hisayran nga hugot niyang gihatagan og gibug-aton nga ang personal nga partisipasyon maoy paagi aron masiguro nga patas, hapsay, ug kasaligan ang proseso sa usa ka isyu nga adunay dakong kalambigitan sa interes sa nasod
