“Pasagdan lang”…
Kini ang tubag ni MMDA General Manager Nicolas Torre III human malambigit ang iyang pangalan sa mga pasangil batok kaniya bahin sa flood control hearing sa senado.
Sa exclusive interview BOMBO Radyo, gitataw ni Torre nga dili siya ang nag-unang bida sa maong isyu hinungdang iyang i-reserba ang iyang komento ug pasagdan ang uban nga mopanghimakak sa mga istorya.
Gihulagway usab niya nga walay basehan, kalit lang gipanghugot, ug gani sayop ang iyang gigamit nga posisyon o titulo sa mga nanggawas nga pamahayag.
HIsayran nga gibutyag usab niini nga andam siya motambong ug moatubang sa Senado aron tubagon ang tanan ug gipahayag niya nga wala siyay panahon nga huna-hunaon ang maong mga pasangil nga iyang giisip nga dili tinood. (riza budlao)
