Gipakusgan sa Pilipinas ang kooperasyon niini sa Japan sa natad sa agrikultura aron mapalambo ang eksport, mapabag-o ang sistema sa pagpanguma, ug mapalig-on ang seguridad sa pagkaon sa nasod. S
umala ni Agriculture Secretary Francisco Tiu Laurel Jr., nasabutan kini human sa mga high-level meeting kauban ang mga opisyal sa Japan atol sa pagbisita ni Presidente Ferdinand Marcos Jr. Karong tuiga.
Gipaningkamutan sa Department of Agriculture (DA) nga masugdan ang pag-eksport sa pomelo sa Japan ug mapausbos ang taripa sa saging, samtang nagplano usab nga mosalmot sa usa ka dakong Green Expo sa Marso aron i-promote ang mga produkto sa hortikultura.
Gawas niini, gitun-an usab sa delegasyon ang “advanced” nga teknolohiya sa Japan, sama sa automated dryers ug mga pasilidad nga makatipig og humay sulod sa lima ka tuig, nga mamahimong sundanan sa pag-upgrade sa National Food Authority (NFA).
