“Better get moving, FAST.” Mao kini ang mubo apan seryosong pasidaan ni U.S. President Donald Trump ngadto sa gobyerno sa Iran, taliwala sa nagkayagaw nga tensiyon ug kawalay-katin-awan sa gipahigayong peace talks.
Gipahayag ni Trump nga hapit na mahurot ang panahon sa Iran ug kinahanglan na silang mohimo og dinalian nga lakang, kay kon dili, posibleng mag-atubang sila og bug-at nga mga konsekuwensya gikan sa Estados Unidos.
Base sa mga nakuhang report, dismayado ang Washington tungod sa kapakyas sa duha ka kampo nga makab-ot ang usa ka pinal nga kasabutan.
Lakip sa mga nag-unang gilalisan mao ang kondisyon sa pagpasurender sa enriched uranium sa Iran ug ang hingpit nga pagbawi sa mga economic sanctions batok kanila.
Mitungha ang maong bahad human sa opisyal nga panagsulti pinaagi sa telepono tali ni Trump ug Israeli Prime Minister Benjamin Netanyahu, diin gi-analisar sa duha ka lider ang posibleng pagsaka sa tensiyon ug ang hulga sa pagbalik sa armadong panagbangi.
Sa kasamtangan, nagpabilin nga dako ang risgo ug padayong nagkainit ang sitwasyon sa rehiyon sa Middle East.
