Hugot nga gipatuman sa Ministry of Education ug Sports sa Uganda, ilabe na sa tertiary institutions ang mga pamaagi sa paglikay sa Ebola samtang nagsugod pa lang ang pagbukas sa ilang klase
Nagpahimangno ang mga administrador sa mga ginikanan ug lokal nga gobyerno nga masayud ug ipakatap ang standard operating procedures.
Human sa pagkadiskubre sa duha ka imported cases, mi-abiso ang health ministry sa publiko nga magmabinantayon nga bisan wala pa’y community transmission.
Namugos ang ahensya sa panglawas nga kinahanglan nga istrikto ang pagsunod sa mga giya.
Ang mga tunghaan gikinahanglan nga magpatuman ug mandatory handwashing sa kamot, temperature screening sa entrance, ug dili tugotan ang mga adunay sintomas.
Ang mga magtutudlo gimanduan nga bantayan ang mga magtutungha samtang ang mga estudyante gipasabot nga magreport dayon kung adunay sintomas.
Girekomendar usab nga limitahan ang dili kinahanglan nga mga tigum ug assemblies aron malikayan ang posible nga pagkaylap sa sakit.
