Wala magkulang sa pagtimbang-timbang si Misamis Oriental 2nd District Representatve ug House Deputy Speaker Bambi Emano sa iyang paghukom sa duha ka reklamo nga impeachment ni Vice President Sara Duterte.
Miingon si Matthew Vallezer, Chief of Staff ni Emano nga ang desisyon niini gibasi sa napresentar nga argumento, mga ebidensya ug sa mismong namugna nga probabla cause aron mapasakaan ug kaso ang bise presidente sa mga reklamo nga gibato kaniya.
Gitin-aw ni Vallezer nga sa makadaghang higayon gi-imbitar sa House Committee on Justice ang bise presidente aron madungog ang iyang tubag, apan, iya kining gibaliwala.
Kini ang rason nga nakahukom si Kongresista Emano nga ma-impeach si Duterte subay sa saktong proseso ug gipresenter nga ebidensya.
Gitataw ni Vallezer nga ang pagbotar sa 257 ka mga magbabalaod wala nagpasabot nga “guilty” si VP Sara apan, mibotar sila aron muaginod ang reklamo o ang gitawag nga articles of impeachment sa senado aron didto dunggon ang iyang kaso
