CAGAYAN DE ORO CITY – Dul-ag P50-Milyon ang damyos sa sektor sa agricultura sa Misamis Oriental tungod sa nagpadayong hulaw.
Gibutyag ni Department of Agriculture Provincial Agriculturist Apollo Pacamalan nga gimonitor nila ang napulo ka munisipyo nga posibleng ipa-ubos sa state of calamity gumikan sa pagkadamyos sa linibong ektarya sa high valued crops sama sa mais ug humay.
Mitala na sab ang probinsya sa kapin 800 ka mga mag-uuma nga nagpakitabang kanila tungod sa kakulangon sa tubig alang sa ilang water irrigation.
Sugod ning adlawa, gi-apod-apod na sa provincial capitol ang mga water pumps sa mga westeng bahin sa lalawigan nga grabeng naapektuhan sa El Nino Phenomenon.
