CAGAYAN DE ORO CITY – Itagsa-tagsa pagpaubos sa ‘lie detector test’ ang napulo ka pulis nga ulahi gikauban sa gipatay nga si late Cpl Jeffrey Dabuco nga nadestino sa 1004th Manuever Company sa Regional Mobile Force Batallion 10 sa lungsod sa Kalilangan,Bukidnon.
Namahayag si Police Regional Office 10 Director Police Brig Gen Lawrence Coop nga tuyo niini nga masuta ang tinud-anay nga hitabo kang Dabuco kinsa gikauba’g inom sa siyam ka pulis apan kalit na missing ug nakit-ang patay sa suba sa Wao,Lanao del Sur sa miaging semana.
Miingon si Coop nga pinasubay unya sa makuha nga mga testimonya ug nahuptan nga mga ebedensiya,basehan kini aron kasuha’g kriminal ug administratibo ang makit-ang sad-an sa kamatayon sa biktima.
Hisayrang namatay ang biktima dili tungod sa igo sa bala o dinunggaban apan kay gilumsahan ayha gilabay sa suba.
