CAGAYAN DE ORO CITY – Nag-atubang sa kasupakan sa Comprehensive Dangerous Drugs Act 2002 ang suspected drug pushers nga nadakpan pinaagi sa buy bust operation sa Purok 2,North Poblacion,Maramag,Bukidnon.
Giila sa kapolisan ang mga dinakpa nga sila alyas JR ug Junnie Boy nga pulos nagpuyo sa maong lugar.
Nasuta nga kanhi na nag-atubang sa susamang kasupakan sa balaod si JR samtang si Junie Boy ang una pang nalambigit sa nahishutang kalihukan.
Nabawi gikan sa mga dinakpan ang 13 ka sachets sa gitoohang shabu nga mitimbang sa 20 gramos ug nagkantidad sa 136-mil pesos.
Nasayran usab sa kapolisan nga sagad sa maong kontrabando gikan sa Lanao del Sur ug ilang e-suplay sa mga parokyano sa lungsod sa Don Carlos,Bukidnon.
