CAGAYAN DE ORO CITY – Gipangita sa kapolisan ang duha ka Chinese nationals nga responsable sa pagkidnap sa laing Intsik diha sa Kimwa Compound,Purok 12,Baloy,Brgy Tablon sa syudad.
Kini human unang nangayo’g tabang sa kapolisan ang biktima nga si Wang Zhizhong,45 anyos nga residente sa lugar dihang gibuhian sa tulo ka suspek bugti sa paghatag sa dakong balor sa salapi.
Miingon si City Police Director Col Henry Dampal nga ang Regional Special Operations Unit ang gitahasan ni PRO-10 Director Brig Gen Rolando Anduyan nga modakop sa mga suspek nga si Jiang Wenwu ug laing usa nga wala pa matumbok ang identity.
Gibutyag ni Dampal nga unang gilusob sa grupo ni Li Jingui ang kuwarto sa biktima ug gidala sa awa-aw nga lugar.
Nabuhian lamang ang biktima nga samaron dihang gituman niini ang demanda ni Li nga sobra 210-mil pesos pinaagi sa transfer online transaction.
Kasamtangang naka-kustodiya si Li samtang gipangita ang laing duha ka kauban nga nagtagu-tago pa ning panahona.
Samtang gitratar ni Dampal nga dili alarming ang kasong kidnapping nga naglambigit sa Chinese nationals ning syudad.
Miingon si Dampal nga posibleng ang wala pagsinabot lamang tulo ka suspek ang rason nga nag-interes sila nga dagiton bugti sa balor sa salapi ang biktima hinungdan sa hitabo sa Brgy Tablon sa miaging gabii.
Gibutyag sa opisyal nga gikonsiderar nga sulbad ang hitabo kay luwas na ang biktima ug natumbok na usab ang mga responsable sa kremin.
