CAGAYAN DE ORO CITY – Gikasuhan sa kapolisan sa pagsupak sa anti-illegal gambling law ug kasupakan sa Mandatory Reporting of Notifiable Diseases and Public Health Events of Public Health Concern ang 24 ka tawo nga nalambigit sa billiard invitational game sa Purok 2,Barangay Batangan,Valencia City,Bukidnon.
Kini human gisupak sa mga suspek ang health protocols nga istrikto gipatuman sa gobiernong lokal sa maong syudad.
Miingon si Lt Col Surki Sereñas,hepe ng Valencia City Police Office nga pipila sa mga mandudula ang gikan pa sa Davao City,Iligan City ug mismo dinhi sa syudad.
Narekober gikan sa mga suspek ang salapi nga nagsilbi nila nga pusta ug ang mga mahalong gamit sa pagdula sa billiard sa maong lugar.
