CAGAYAN DE ORO CITY – Walay malauman ang grupong Manibela ug Piston nga adunay pagduyog sa traditional jeepney operators sa himoong 3-day transport pahulay gikan sa Northern Mindanao sa didto sa kauluhan sunod semana.
Miingon si Joel Gabatan,presidente sa United Drivers Association o UNIDA nga naipit na ang mga sakop niini tungod sa pag-apil transport cooperative aron makapadayon sa panginabuhian ning syudad.
Siya miingon nga dili nila pugson ang ilang mga miembro kay mamiligro usab nga maapektuhan ang mga prangkisa niini nga hawid sa mga kooperatiba.
Sugdan ang transport pahulay sa adlaw’ng Lunes hangtod Miyerkules sunod semana.Tuyo sa tigil-pasada ang pagkontra sa maong grupo sa PUJ modernization program nga alang kanila dakong kontra-kabus nga lakang.
Samtang masaligon ang grupo ni Gabatan nga adunay klaro nga mabuhat alang sa transport sector si DOTR Sec Vince Dizon.
Kini human tinguhaa ni Dizon nga e-suspenso una ang pagpatuman PUJ modernization progam tungod sa daghang kakulangon nga nag-apektar sa mga ordinaryong operator sa mga salakyan sa nasud.
Miingon si Gabatan nga unta dili susama si Dizon sa nanglabay’ng mga kalihim nga kutob lang sa permiro apan nagalungan gihapon pag-abot sa pagpatuman sa mga angay nga kabag-uhan.
Hisayrang mismo si Pres Bongbong Marcos ang wala na mouyon nga subli masibog ang pagptuman sa maong progama.
