CAGAYAN DE ORO CITY – Naluwas sa mga otoridad ang upat ka menor de edad nga gihimong tinubdan sa online exploitation activities sa usa ka inahan nga nagpuyo sa Ginoog City,Misamis Oriental.
Gibutyag ni Misamis Oriental Police Provincial Office Director Col Wilbur Salaguste nga subay sa gitaho gikan sa Gingoog City Police Station nga maoy naaresto ang inahan nga si alyas Jena,legal age kinsa miunay pagbugaw sa iyang tulo ka anak babaye ug laing menor de edad nga lalaki.
Sumala ni Salaguste nga gidakop ang suspek kay gihimo niya nga tinubdan sa panguwarta ang law-ay nga gipabuhat niya sa mga bata ug gibaligya ang pinaagi online ngadto sa mga langyaw’ng hilig sa kahilayan.
Tungod niiini, atubangon sa suspek ang mga pagsupak sa “Expanded Anti-Trafficking in Persons Act of 2022”; Anti-Online Sexual Abuse and Exploitation of Children ug Anti-Child Sexual Abuse and Exploitation Materials Act.
Kasamtangang gikustodiya una sa CWSDO-Gingoog City ang mga bata.
