CAGAYAN DE ORO CITY – Giimbestigaran pa sa Bureau of Fire Protection sa hinungdan sa pagkasunog sa kapin kon kulang 50 ka panimalay diha sa San Lazaro Brgy Lapasan ning syudad kagahapong adlawa.
Miingon si BFP-CdeO Operations head Fire Sr. Insp Sam Lawrence Velarde nga moabot sa P2 million pesos ang damyos sa nahitabong sunog diin ka 50 ka pamilya ang nawad-ag panimalay.
Una nang miggawas ang report nga adunay magtiayon nga nag-away nga miresulta sa pagkasunog sa ilang panimalay ug paspas nga mikaylap ang kalayo sa ilang mga silingan.
Dugtong niini, nagpahimangno si Velarde sa mga residente nga mag-amping aron makalikay sa sunog.
Kini ang ikaduha nga natigayong sunog sa maong brgy sulod lamang sa usa ka semana.
