CAGAYAN DE ORO CITY – Walay pyansa nga kaso ang gipasaka sa National Bureau of Investigation kon NBI-10 batok sa pito ka mga personalidad nga nalambigit sa online money scam.
Kasong syndicated estafa ang gipasaka batok sa mga suspek nga sila si Antonette Sestoso, Donnie Rose Pagaspas, Pablito Pagaspas, Rosalie Pagaspas, Ken Pagaspas, Jabar Regayo ug Angel Buctolan.
Si NBI head agent Atty Alex Caburnay miingon nga nakasulod sa syndicated estafa kon Section 1 of PD 1689 ang mga suspek tungod kay sobra lima ka mga personahe ang nalambigit sa pagpangilad.
Dugang pa ni Caburnay nga lauman pa ang dugang ihap nga kasuhan tungod sa online scheme.
