CAGAYAN DE ORO CITY – Naluwas sa Philippine Coast Guard ug support groups ang pito ka tripulante nga sakay sa naunlod nga cargo ship sa kadagatang sakop sa Sugbungcogon,Misamis Oriental.
Kini human maabti sa pagkusog sa hangin ug pagdagko sa balod samtang naglawig ang JJBA SEABREEZE 8 nga kargo sa ‘bino’ gikan sa Opol ning lalawigan padulong sa Surigao provinces.
Miingon si PCG-10 spokesperson Ensign Jerich Ybanez nga bugtong ang kapitan lamang sa barko ang dunay samad sa dihang naluwas sila sa pagkaunlod sa maong barko.
Sa pagkararon,anaa na sa pag-atiman ang mga biktima.
