CAGAYAN DE ORO CITY – Wala pa gipatawag sa Police Regional Office 10 si Police Captain Ramces Cartajena kinsa gibutyag ni Marawi City Deputy Police Captain Santos Libres Monares nga maoy nagbaligya kaniya sa hot car nga Ford Everest.
Miingon si PRO-10 spokesperson Pol Col Mardi Hortillosa nga kinahanglan dunay reklamo nga ipadala sa ilang buhatan ayha nila ipatawag ug imbestigahan ang ilang sakop.
Gani, nakurat si Hortillosa tungod kay una pa sila nakadungog sa media sa maong akusasyon nga namaligya sa carnap nga sakyanan ang ilang police nga nadestino sa Bukidnon Provincial Police Office.
