CAGAYAN DE ORO CITY – Napatay sa kapolisan ang suspected drug pusher ug laing usa ang samaron kay giingong misukol sa gilusad nga anti-drug buy bust operation sa Hillside,Sta Cruz,Brgy Lapasan ning syudad.
Giila ni Nazareth Police Station commander Maj Erickson Sabanal ang namatay nga si Arnel Buscado,hingkod ang panuigon ug nagpuyo sa Brgy Gusa ning syudad.
Naigo usab ang tiil ni John Batican,25 anyos nga taga- Brgy Cugman kay napusilan kay tuyo mangilog sa armas sa mga pulis nga gusto mosikop kaniya.
Gibutyag ni Erickson nga nakabantay si Buscado nga pulis ang gika-estorya niini hinungdan iya kining gisusil apan wala maigo.
Kini ang hinungdan nga napusilan sa back-up nga mga pulis si Buscado nga naghatod sa iyang kamatayon.
Nasuta nga si Buscado ug Batican ang pulos miembro sa gikaintapang grupong Batang Mindanao 29 sa syudad.
Gawas kanila,nasikop usab ang napulo ka tawo diin pito kanila BM 29 members sulod sa suspected drug den sa maong lugar.
Nakompiskar gikan sa kapolisan gikan sa mga suspek ang sobra tunga sa milyon nga gitoohang shabu kagahapon sa hapon.
