CAGAYAN DE ORO CITY –Gipusil-patay sa nag-inusara nga armadong lalaki sa dakong negosyante samtang anaa sa bisinidad sa iyang cockfighting farm sa Sitio Looc,Barangay Canitoan sa syudad.
Giila ni City Police Director Col Henry Dampal ang biktima nga si Caloy Lam,hingkod ang panuigon,tag-iya sa Shanghai Bakery branches sa syudad ug stakeholder usab sa Igpit Sports Arena sa Opol,Misamis Oriental.
Gibutyag ni Dampal nga gipalihok pa nila ang ilang police operatives sa syudad aron matumbok ang suspek nga mipusil kang Lam samtang anaa sulod sa iyang pribadong sakyanan.
Gibutyag ni Dampal nga daghan na sila’g anggulo nga gikonsiderar apan gipugngan una nila pagpagawas samtang dili pa lig-on ang mga basehan sa nahitabo sa biktima.
Dugang sa opisyal nga nagbaton sa upat ka samad sa ulo ang biktima gikan sa dili pa matino nga kalibre nga armas hinungdan sa kamatayon niini.
Samaron usab ang kuyog sa biktima nga gilayong gidala sa pribadong ospital ning syudad karong hapon.
Dumduman nga gikan sa lungsod sa Opol ang mga biktima dala ang high breed nga fighting cocks alang sa iyang farm apan gidu-ulan kini sa suspek ug dunay gipabasa nga papel ug gilayong gipusil.
