CAGAYAN DE ORO CITY – Patay ang gitoohang hubog nga motorista human mibangga sa jeep sa Sayre Highway, Barangay Tankulan, Manolo, Fortich,Bukidnon.
Giila ang biktima nga si RJ Branzuela, 29-anyos, ulitawo ug kasamtangang nagpuyo sa Miranda,Brgy Damilag sa maong lungsod.
Gibutyag ni Major Noel Cano,hepe sa Manolo Fortich Police Station nga bisan naka red light, milusot gihapon ang biktima busa mibangga sa jeep.
Gitabang pa sa mga doktor sa ospital ang biktima apan nabugtuan na kini sa kinabuhi.
Kasamtangang gikustudiya karon ang jeep driver nga si Ronald Carlo Randy Alimania, 35 anyos, minyo ug residente sa purok 2 sa nasampit nga brgy.
