CAGAYAN DE ORO CITY – Mohimo sa imbestigasyon ang committee on justice sa kamarabaha sa kontrobersyal nga kamatayon sa siyam ka convicted druglords sulod sa New Bilibid Prison tungod sa giingong COVID-19.
Kini human miduso sa resolusyon si Cagayan de Oro 2nd District Rep Rufus Rodriguez kinsa senior vice chairman sa komitiba aron masuta ang tinood nga nahitabo sa maong druglords.
Miingon ang kongresista nga hayan ituki na kini sa plenaryo sa kamarabaha sunod semana aron mahatagan sa schedule ang pagdungog niini.
Hisayrang gikasuko sa Bureau of Corrections ang pasangil nga wala namatay apan gipaikyas nila ang maong high profile inmates bugti sa dakong balor sa salapi.
