CAGAYAN DE ORO CITY – Gipamugos sa kapolisan nga misukol ang top 1 high value target sa Zamboanga City rason nga napusilan-patay sa gihimong operasyon sa Zone 6,Brgy Bulua ning syudad.
Gibutyag ni Regional Special Operation Unit 10 head Capt. Jason Sto. Domingo nga gisilbi nila ang warrant of arrest batok kang Mayong Ilang Kamlon tungod sa daghang atraso niini sa balaod.
Apan mibunot kini sa iyang armas hinungdan napusilan.
Gibutyag ni Sto. Dominggo nga nagsilbi usab nga leader ang suspek sa Mayong Drug Group diin naglihok sa Zamboanga Peninsula, Basilan, Sulu, Tawi-tawi, Ozamiz, Iligan City ug Cagayan de Oro.
Samtang nagtakuban sa laing identity ang suspek rason nga libre kining nagpuyo dinhi sa syudad. Gibutyag ni Sto. Domingo nga
may narekober silang I.D’s sa suspek nga nagbaton sa daghang pangalan apan susama lamang ang panagway.Nagtoo ang kapolisan nga dakong kawad-on sa grupo si Mayong.
Miingon si Sto. Dominggo nga daghan pa sila nga gimonitor nga gapadagan sa illegal nga droga sa rehiyon.
