CAGAYAN DE ORO CITY – Kasuhan sa kapolisan sa infanticide ang mag-live in partner nga mitago sa patay’ng lawas sa bata sulod sa ilang panimalay diha sa may Zone 6, Barra, Opol, Misamis Oriental.
Miingon si Opol Police Station commander Major Ian Borinaga nga ila unang itago sa pangalang alyas Jessa Mae ang inahan,28-anyos ug kaipon nga si alyas Goryo, 57-anyos samtang nagpadayon pa ang ilang imbestigasyon.
Gibutyag ni Borinaga nga gitago sa inahan sa drawer ang fetus sa iyang anak nga batang babaye hinungdan nga nag-bleeding kini ug gidala sa ospital.
Una nang gipanghimakak sa kaipon sa suspek nga may kalabutan siya sa pagtago sa fetus sulod sa ilang panimalay.
Samtang gihimakak sa negosyanteng si Rico Dominggo nga siya ang amahan sa fetus nga napalgan sa drawer sulod sa ilang giabangang kwarto sa Zone 6 Barra Opol, Misamis Oriental.
Gibutyag ni Barra Brgy Kapitan Jun Otacan nga mihimakak usab si Dominggo nga may relasyon sila sa inahan sa fetus bisan nagpuyo lamang sila sa usa ka kwarto.
Matud ni Otakan nga wala usay residenteng nakabantay nga mabdos si Jessa Mae gumikan kay panalagsa lamang kining gagawas sa balay.
