CAGAYAN DE ORO CITY – Nakasuhan sa kapolisan ang lima sa sobra 300 ka motorista nga nakasupak sa kamanduan sa DILG nga did-an ang pagpang-angkas kon walay barrier nga mohatag proteksyon kontra takod sa coronavirus disease sa Bukidnon.
Kini alayon sa subsob nga kampanya sa Police Regional Office 10 nga dakpon ang nagpa-backride nga walay mosunod sa inter-agency task force policy.
Namahayag si PRO-10 spokesperson Lt Col Mardy Hortillosa nga sa kapin 300 nga na tikitan,wala malatid sa report kon may pulis o ubang sakop sa state forces nga kabahin sa nadakpan.
Samtang maglisod paghatag komento si City Mayor Oscar Moreno sa anti-laway barrier policy nga istrikto gipabuhat sa DILG sa kapolisan dinhi sa rehiyon.
Kini human daghan ang nakasaway sa maong gabayan alang sa social distancing sa mga magtiayon ug magtrato nga nag-usa na’g puyo sa usa ka balay.
Miingon si Moreno nga aron dili na lamang mapahamtangan sa penalty kon madakpan,mas maayo nga likayan sa mga motorista nga ipaangkas ang ilang asawa o hinigugma.
Dugtong niini,nasabutan sa Motorcycle Riders CdeO nga mopahigayo’g protest ride sunod semana sa syudad.
Gibutyag ni Andrew Tupag Jr,convenor sa Motorcycle Riders CdeO chapter nga ila kining himoon aron mapahungaw ang kadismaya sa hukom sa IATF nga nag-obligar pagbutang sa anti-laway shield o barrier sa mga motorsiklo.
Giawhag usab nila ang ubang mga motoristang mag simpatiya kanila nga moapil sa maong lihok protesta.
Hinoon, gipasalig ni Tupag nga ilang ipatuman ang physical distancing sa ilang kalihukan.
