CAGAYAN DE ORO CITY – Kasuhan sa pagbaligya’g illegal nga droga ang magsoong Parojinog nga pulos dugay nang pinangita sa balaod sa Iligan City.
Kini human unang gilusad sa PDEA-Iligan City ug City Drug Enforcement Unit sa Iligan City Police Office ang anti-drug buy bust operation batok kanila ni Benjie,42 anyos ug Ronaldo Parojinog,40 anyos nga nagpuyo sa Purok 5,Brgy Buruun sa maong syudad.
Gibutyag ni Police Regional Office 10 spokesperson Lt Col Mardy Hortillosa nga nagsilbing top 4 si Benjie sa city level ug top 9 usab sa regional level si Ronaldo sa kalambigitan sa illegal nga droga sa dakbayan sa Iligan.
Namahayag si Hortillosa nga nakuhaan ang magsoon sa singko gramos nga suspected shabu diin may street value nga 35-mil pesos.
Nagdumili una ang PDEA ug PNP pagkompirmar kon unsay koneksyon sa duruha sa namatay’ng suspected druglord nga si Ozamiz City Mayor Reynaldo ‘Aldong’ Parojinog Sr sa tuig 2017
